Kryetari i Federatës Pan-Shqiptare të Amerikës ‘VATRA’, Elmi Berisha bashkë me kryetarin e kryeqytetit, Përparim Rama dhe veprimtarin, Ekrem Bardha kanë bërë homazhe pranë shtatores së heroit Zahir Pajaziti.

Kjo me rastin e 26 vjetorit të Çlirimit të Prishtinës, shkruan Arbresh.info.

Ai falënderoi Ramën për respektin ndaj diasporës shqiptare të cilët siç tha ai, ndihmuan në pavarësimin e Kosovës.

Berisha nderoi edhe Ekrem Bardhën duke e quajtur vazhdimësi të Fan Nolit

“Unë sigurisht, me plot kuptimin e fjalës mund ta quaj Ekrem Bardhën si vazhdimësi të Nolit dhe Konicës dhe jemi mirënjohës. Këta janë njerëzit të cilët  vunë themelet e para të shtetësisë së Kosovës e cila filloi në 1993-tën ku ky burrë  (Ekrem Bardha) dhe bashkëpunëtorët e tij ju lutën presidentit Bush të vjetër që ta ndalojë makinerinë e tmerrshme të Millosheviqit dhe mos të masakrojë në Kosovë”, ka thënë Berisha./Arbresh.info/