Kurti mirëpritet nga familja Haliti në lagjen Kroi i Vitakut, përfitues i projektit për ndërtimin e shtëpive në veri

17:32 | 9 Qershor 2025
H.E

Kryeministri në detyrë, Albin Kurti, së bashku me ministrin në detyrë të Punëve të Brendshme, Xhelal Sveçla dhe ministrin në detyrë të Administrimit të Pushtetit Lokal, Elbert Krasniqi, u mirëprit në shtëpinë e Xhevdet Halitit, banor i lagjes së Kroit të Vitakut në Komunën e Mitrovicës së veriut dhe njëri nga 102 përfituesit për ndërtimin dhe rinovimit të shtëpive në katër komunat në veri të vendit me financim të Qeverisë së Republikës së Kosovës.

“Jemi shumë të gëzuar që do t’i keni kushtet e dinjtetshme të jetesës. Ta gëzoni shtëpinë me familje dhe pasardhësit tuaj. Ju dëshiroj të gjitha të mirat në jetë”, tha Kurti drejtuar Halitit.

Haliti e falënderoi Kurtin dhe Qeverinë për mbështetjen e dhënë, teksa u shpreh i kënaqur me nivelin e sigurisë dhe lëvizjen e qarkullimin e lirë në veriun e qytetit të Mitrovicës./Arbresh.info