Kryetari i Partisë Demokratike të Kosovës, Memli Krasniqi, ka uruar për ditëlindje ish-kryetarin e Kuvendit të Kosovës dhe ish-kreun e PDK-së, Kadri Veselin.

Përmes një postimi në Facebook, Krasniqi shprehu mirënjohje për kontributin e Veselit në historinë e vendit, duke theksuar se sakrifica e çlirimtarëve mbetet e pandryshuar, pavarësisht rrethanave.

“Urime ditëlindjen, Kryetar! Roli i çlirimtarëve është i shkruar me sakrificë dhe shkronja të arta në historinë tonë. Nuk ka rrethanë që e ndryshon këtë – as vendi, as koha, as distanca. Me besim në fitoren e drejtësisë dhe të vërtetës – pres të ritakohemi së shpejti, në Prishtinë!”, ka shkruar Krasniqi./Arbresh.info