Al Nassr ka konfirmuar se është në bisedime për rinovimin e kontratës me superyllin portugez, Cristiano Ronaldo.

Drejtori i klubit, Fernando Hierro, ka deklaruar për mediat se rinovimi i kontratës me Ronaldon është prioritet dhe pjesë e një projekti të madh kombëtar për zhvillimin e futbollit saudit.

“Jemi në kontakt për të rinovuar kontratën e Cristianos… dhe me të vërtetë shpresojmë që ai të vazhdojë me ne këtu te Al Nassr,” u shpreh Hierro.

Ai vlerësoi ndikimin e Ronaldos në Arabinë Saudite.

“Prania e Ronaldos që nga fillimi është një projekt kombëtar. CR7 është një fenomen i madh në historinë e futbollit dhe ka ndihmuar ndjeshëm në rritjen e Ligës Saudite.”

Në fund, Hierro komentoi edhe për interesimin e madh që ekziston për yllin portugez.

“Çdo ditë del në media një klub i ri, thuhet se janë rreth 30 klube të interesuara për Ronaldon… por shpresa jonë është që ai të qëndrojë.”

Cristiano Ronaldo, i cili iu bashkua Al Nassr në fund të vitit 2022, ka pasur një ndikim të jashtëzakonshëm në klub dhe në ligën saudite në përgjithësi.

 

View this post on Instagram

 

A post shared by ???? HERE WE GO ? (@liveherewego)