Futbollisti me prejardhje shqiptare, Ardon Jashari ka kaluar një sezon të shkëlqyer me skuadrën e tij Club Brugge këtë edicion.

E performancat e tij patën vlerë akoma më shumë kur sonte ai u zgjodh lojtari i sezonit i “Jupiler Pro League”, shkruan Arbresh.info.

Mesfushori i Club Brugge po ashtu fitoi edhe çmimin e talentit të sezonit.

Ai mori 10.77 për qind të votave nga lojtarët e klubeve elitare të futbollit belg. Ardoni la prapa kapitenin e Club Brugget, Hasn Vanaken.

Jashari luajti 52 ndeshje për Club Brugge këtë edicion, duke shënuar katër gola dhe dhuroi gjashtë asistime.

Ardon Jashari ka një kontratë që e mban të lidhur me Club Brugge deri në vitin 2029.

Vështirë se kjo kontratë do të shkojë deri në ditën e fundit, pasi për Jasharin janë të interesuara shumë klube të njohura ndër to edhe gjiganti francez, Paris Saint-Germain./Arbresh.info