Pas ndeshjes së fundit ndaj Fulham që zhvillohet sot (25 maj), drejtuesit e klubit italian do të nisin kontaktet zyrtare me përfaqësuesit e lojtarit për të shtyrë përpara marrëveshjen.

Napoli ka vënë në tavolinë një ofertë trevjeçare me vlerë rreth 27 milionë euro në total, përfshirë pagën dhe bonusin e nënshkrimit, një ulje e konsiderueshme krahasuar me 25 milionët që De Bruyne përfiton aktualisht te City.

Edhe pse ka interes serioz nga MLS dhe Arabia Saudite, Napoli është skuadra favorite për të siguruar shërbimet e De Bruyne dhe për t’i ofruar atij një projekt konkurues në Serie A.

Një kapitull i ri duket në horizont për belgun, dhe javët e ardhshme do të jenë vendimtare për të mësuar nëse Napoli do të jetë destinacioni i tij i ardhshëm. /Telegrafi/