Kryeministri në detyrë, Albin Kurti ka pritur sot në takim ambasadorët e vendeve të QUINT-it si dhe shefin e Zyrës së BE-së në Kosovë, Aivo Orav.

Pas përfundimit të takim, Orav ka reaguar përmes një postimi në X i cili ka thënë se status quo-ja aktuale nuk i sjell dobi askujt, ndërsa ka theksuar nevojën për themelimin e një qeverie të qëndrueshme, përcjell Arbresh.info.

“Sot, ambasadorët e QUINT-it u takuan me kryeministrin në largim Kurti. Për përparimin në integrimin evropian të Kosovës, nevojitet një qeveri e qëndrueshme dhe funksionale. Status quo-ja aktuale nuk i sjell dobi askujt”, ka shkruar Orav.

Kujtojmë se në takimin e sotëm mes Kurtit dhe ambasadorëve të QUINT-it është diskutuar për procesin e anëtarësimit të Kosovës në Këshillin e Evropës./Arbresh.info

Today, QUINT Ambassadors met the outgoing Prime Minister Kurti.

For progress in European integration of Kosovo, a stable and functional government is needed. The current status quo benefits no one.

— Aivo Orav (@AivoOrav) May 12, 2025

LEXO EDHE:

Kurti diskuton për anëtarësimin e Kosovës në KiE me ambasadorët e vendeve të Quint-it