Mbrëmë ka përfunduar edhe gjysmëfinalja e dytë e Ligës së Kampionëve në mes të Parisit dhe Arsenalit.

Francezët sikurse në ndeshjen e parë triumfuan edhe në vendin e vet, por kësaj radhe me rezultat 2-1, shkruan Arbresh.info.

Ndërkohë të martën mbrëma në një super atmosferë në “Giuseppe Meazza”, Interi eliminoi Barcelonën pas vazhdimeve, duke e mposhtur 4-3.

Disa minuta më parë UEFA ka publikuar 11-shen më të mirë të gjysmëfinaleve të dyta.

Ky formacion dominohet nga futbollistë të Interit, Barcelonës e PSG, kurse asnjë nuk është nga Arsenali.

Në portë padyshim është Yann Sommer i cili bëri disa pritje të mrekullueshme ndaj Barçës.

Për vijën e mbrojtës, UEFA ka zgjedhur Gerrard Martin, Acerbin, Marquinhosin dhe Hakimin.

Mesfusha përbëhet nga De Jong, Fabian Ruiz dhe Barella.

Ndërsa sulmit i prijnë Khvicha, Lautaro dhe Yamal.

Finalja e madhe e Ligës së Kampionëve për këtë sezon luhet me 31 maj në “Allianz Arena”, mes Interit dhe Parisit./Arbresh.info