Ad Banner
Ad Banner
Ad Banner
Ad Banner

Një grua është vrarë në një sulm me sëpatë në Universitetin e Varshavës

08:57 | 8 Maj 2025
Q L

Një grua është vrarë dhe një burrë është plagosur rëndë në një sulm me sëpatë në Universitetin e Varshavës, kanë bërë të ditur autoritetet policore në Poloni. Viktima është një anëtare e stafit të universitetit, ndërsa i plagosuri është një roje sigurie.

Ngjarja ndodhi të mërkurën rreth orës 18:40 sipas kohës lokale, kur sulmuesi hyri në ambientet e universitetit dhe më pas në një sallë leksionesh, sipas një zëdhënësi të prokurorisë së distriktit.

I dyshuari, një 22-vjeçar polak, është arrestuar. Motivet e tij ende mbeten të paqarta. Mediat lokale, përfshirë Gazeta Wyborcza, raportojnë se ai është një student i vitit të tretë të drejtësisë, por kjo ende nuk është konfirmuar zyrtarisht.

Rektori i universitetit e quajti sulmin një “tragjedi e madhe” dhe shprehu ngushëllime të thella për familjen dhe të afërmit e viktimës. Ai gjithashtu shpalli datën 8 maj si ditë zie për universitetin./rtk

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm