Nuk ka pushim në Albi Mall Superligë, pasi xhiro e 33-të do të luhet në mesjavë, të martën, mërkurën dhe enjten.

Federata e Futbollit të Kosovës ka publikuar orarin e xhiros së 33-të, por edhe është hedhur shorti për gjyqtarët që do të ndajnë drejtësinë.

Ndeshja e parë e xhiros luhet në Gjilan, me Gjilanin që pret Malishevën në një sfidë direkte për pozitën e tretë, derisa në këtë ndeshje drejtësinë e ndanë Visar Kastrati.

Të mërkurën do të takohet Dukagjini dhe Prishtina në Klinë, derisa në Drenas luajnë dy ekipet e fundit në tabelë Feronikeli ’74 dhe Suhareka.

E për të enjten janë në orar dy sfida të tjera me Llapin që pret Ferizajn, derisa Ballkani do të pres kampionin e ri të Kosovës, Dritën.

Të gjitha ndeshjet e xhiros së 33-të do të luhen me fillim nga ora 15:00.