Presidentja e Kosovës, Vjosa Osmani, ka reaguar pas sulmit ndaj futbollistit 15-vjeçar Belgin Jashari.

Në një deklaratë të publikuar në faqen zyrtare të Presidencës, Osmani e ka cilësuar incidentin si një akt të papranueshëm dhe të patolerueshëm në shoqërinë kosovare.

Presidentja u ka bërë thirrje institucioneve përgjegjëse që të ndërmarrin të gjitha masat për hetimin e rastit dhe ndëshkimin e të përfshirëve.

“Dhuna dhe diskriminimi në sport janë sulm i drejtpërdrejtë ndaj vlerave tona më të shtrenjta: respektit, barazisë dhe dinjitetit njerëzor. Dënoj ashpër dhunën fizike dhe verbale ndaj futbollistit të ri, Belgin Jashari. Ky është akt i papranueshëm dhe i patolerueshëm në shoqërinë tonë. Çdo i ri duhet të ndjehet i sigurt, i respektuar dhe i barabartë, pa dallim prejardhjeje apo identiteti. Akte të tilla nuk mund dhe nuk duhet të mbeten pa përgjegjësi. Institucionet përkatëse duhet të ndërmarrin të gjitha masat e nevojshme për ta hetuar rastin dhe për t’i ndëshkuar të përfshirët në dhunë dhe fyerje”, thuhet në njoftim./Arbresh.info

LEXO EDHE:

Arrestohet i dyshuari që sulmoi futbollistin Belgin Jashari

Hoti mbështetë Belgin Jasharin

Haxhiu dënon dhunën ndaj futbollistit Belgin Jashari: Ky rast duhet të trajtohet me seriozitet