Manchester Unitedi ka kaluar në gjysmëfinale të Evropa Ligës, pas një ndeshje të çmendur me plot nëntë gola ndaj Lyonit, apo 13 golave nga të dyja ndeshjet.

Në pjesën e parë, Unitedi ishte duke fituar me rezultat 2-0, falë golave të Ugarte në minutën e 10-të dhe Dalotit në minutën e 46-të.

Por, Lyoni në pjesën e dytë barazoi shifrat shpejt, ku fillimisht shënoi Tolisso në minutën e 71-të dhe Tagliafico barazoi gjithçka në të 78-tën.

Më interesante ishin vazhdimet, ku Lyoni kaloi për herë të parë në epërsi në minutën e 105-të me Cherkin, kurse Lacazette dyfishoi epërsinë në 108.

“Djajtë e Kuq” nuk u dorëzuan, pasi shënuan tri herë për gjashtë minuta, fillimisht me Bruno Fernandes në minutën e 114, ndërsa Mainoo barazoi rezultatin në 4:4 në minutën e 120-të, njofton Klankosova.tv.

E, Maguire ishte shpëtimtari i Unitedit, i cili në minutën e 121 e kaloi ekipin anglez për herë të tretë në epërsi në minutën e 121-të.