Ballkani ka arritur të shënoj një fitore minimale me rezultat 1-0 ndaj Gjilanit në kuadër të xhiros së 29-të në Superligën e Kosovës.

Golin e vetëm në këtë sfidë e shënoi Sunday Adetunji në minutën e 31-të, shkruan Arbresh.info.

Pesë minuta pas këtij goli, Geralb Smajli pati një mundësi të mirë shënimi por goditja e tij u ndal nga shtylla.

Njëzet minuta para fundit, Morina i Gjilani u mundua ta barazojë rezultatin por goditja e tij shkoi shumë pranë portës.

Ndërkohë një goditje e Adetunjit në minutat shtesë nga gjysma e fushës për pak sa nuk hyri golë, por Bllaca u tregua i vëmendshëm.

Ballkani nga minuta e 89-të mbeti me 10 lojtarë në fushë, por kjo nuk i prishi punë që të marrë tre pikë në këtë sfidë.

Falë këtyre tre pikëve Ballkani “blindon” pozitën e dytë me 53 pikë gjashtë më shumë se Malisheva kurse Gjilani mbetet i gjashti me 38 sosh, dy më pak se vendi i cili të dërgon në barazh./Arbresh.info