Los Angeles Lakers është kthyer tek fitorja pas humbjes ndaj Oklahama City Thunder natën e mbrëmshme.

Lakers triumfuan ndaj Dallas Mavericks dy xhiro pa përfunduar sezoni i rregullt me rezultat 112-97, shkruan Arbresh.info.

Një rikthim i madh i Doncicit në “American Airines Center” pas atij shkëmbimi të famshëm me Anthony Davis.

Ish-basketbollisti i Dallasit, ishte vendimtar në fitoren e Lakers ku realizoi 45 pikë, tetë kërcime e gjashtë asistime. Teksa e ndihmoi edhe LeBron James me 27 pikë, shtatë kërcime e tri asistime.

Tek Dallas më i dalluari ishte Marshall me 23 pikë, tetë asistime e katër kërcime.

Pas 80 ndeshjeve, Lakers është i treti me 49 fitore e 31 humbje, kurse Dallasi mbetet i 10-ti me 38 fitore e 42 humbje dhe play-offin do ta kërkojë përmes play-in.

Ndeshjen e radhës Lakers e luajnë ndaj Houston Rockets kurse Dallasi përballet me Toronton./Arbresh.info