Prishtina dhe Llapi kanë ndarë pikët në kryendeshjen e javës së 22-të në Superligën e Kosovës në futboll.

Ndeshja u mbyll me rezultat 0-0 në ndeshjen e luajtur në stadiumin “Fadil Vokrri”, shkruan Arbresh.info.

Vendasit patën raste të mira shënimi gjatë pjesës së parë me anë të Leotrim Kryeziut e Rigon Llugiqit.

Kurse rastin më të mirë e pati sulmuesi Alex Gnapi, mirëpo nuk arriti ta konkretizojë.

Pjesa e dytë ishte më e baraspeshuar, me të dy skuadrat që kishin rastet e tyre.

Prishtina tentoi me Drilon Islamin në dy raste nga distanca, por pa sukses.

Në anën tjetër, Ardit Tahiri kishte rastin më të mirë për Llapin, por i vetëm me portier gjuajti lartë mbi portë.

Pas 22 ndeshjeve, Prishtina ka 30 pikë dhe është e pesta kurse Llapi mbetet i parafundit me 23 sosh./Arbresh.info