Kryeministri i Shqipërisë, Edi Rama ka shpërndarë postimin e të dërguarit të posaçëm amerikan për krizat globale, Richard Grenell ku përveç se urohej Pavarësia e Kosovës, përmendej edhe burgosja e ish-presidentit Hashim Thaçi.

Aty Grenell kujtonte se “padrejtësinë e rëndë” që tha se po i bëhet “atit themelues të shtetit të Kosovës”, Hashim Thaçit, shkruan Arbresh.info.

“Megjithatë, ky përvjetor është i errësuar nga një padrejtësi e rëndë. Ati themelues i shtetësisë së Kosovës, Presidenti Hashim Thaçi, duhet ta festonte sot në Prishtinë – jo pas hekurave në Hagë”, shkroi Grenell.

“Europianët kanë dështuar të veprojnë kundër kësaj padrejtësie në 5 vitet e fundit. Dhe institucionet shtetërore të Kosovës kanë dështuar t’i ndërmarrin veprimet e nevojshme ligjore për t’i dhënë fund kësaj padrejtësie – për shkak të politikës”, shkroi Grenell.

Në këtë rast, Rama i jep të drejtë Grenellit.

“Absolutisht! Dhe sa më shumë të vazhdojë (burgosja e Thaçit), aq më e madhe është njolla në organin ndërkombëtar të drejtësisë!”, shkruan kryeministri./Arbresh.info/

Absolutely! And the more it continues, the bigger the stain on the international justice body! pic.twitter.com/iLsFPBogW7

— Edi Rama (@ediramaal) February 17, 2025