Një nënë, 37 vjeç, dhe vajza e saj dyvjeçare kanë vdekur nga plagët e marra në sulmin me makinë të së enjtes në qytetin gjerman të Mynihut, thotë policia.

Të paktën 37 persona u plagosën pasi një makinë u përplas me një turmë njerëzish në një tubim sindikal.

Shoferi ishte një azilkërkues afgan 24-vjeçar, tha policia, i identifikuar në mediat lokale si Farhad N. Ai u arrestua në vendngjarje dhe prokurorët thonë se ai ka pranuar se ka kryer sulmin. Ai dukej se kishte një motiv fetar, thanë zyrtarët.

Nëna dhe fëmija ishin mes atyre që u dërguan në spital me plagë të rënda pas sulmit.

“Fatkeqësisht, ne duhet të konfirmojmë vdekjen sot të fëmijës 2-vjeçar dhe nënës së saj 37-vjeçare”, tha zëdhënësi i policisë, Ludëig Ëaldinger, për agjencinë e lajmeve AFP të shtunën.

Përplasja e makinës ka rikthyer në fokus çështjet e sigurisë një javë përpara mbajtjes së zgjedhjeve federale në Gjermani.

Një seri sulmesh janë kryer në Mynih nga emigrantë, ku dy nga sulmuesit e dyshuar kanë ardhur nga Afganistani.

Sulmi ndodhi gjithashtu në prag të Konferencës së Sigurisë në Mynih, e cila filloi të premten.

Me të mbërritur në qytet të premten, nënpresidenti i SHBA JD Vance shprehu ngushëllimet e tij për viktimat në sulm, shkruan BBC