19 vjetori i vdekjes, mbahet ceremonia përkujtimore për nder të Ibrahim Rugovës

11:16 | 21 Janar 2025
E.G

Në 19-vjetorin e ndarjes nga jeta të Presidentit historik të Kosovës, Dr. Ibrahim Rugova, nën organizimin e Presidentes së Republikës së Kosovës, Vjosa Osmani, po mbahet një ceremoni përkujtimore në hollin e Kuvendit të Kosovës.

Në këtë ceremoni po marrin pjesë presidentja e Kosovës, Vjosa Osmani, ambasadori i Zyrës së Bashkimit Evropian në Kosovë, Aivo Orav, ambasadori i Shqipërisë në Kosovë, Petrit Malaj, ambasadori francez në Kosovë, Olivier Guerot, ish-presidenti i Kosovës, Fatmir Sejdiu, familja e ish-presidentit Rugova, si dhe shumë personalitete nga jeta politike, raporton Arbresh.info.

Pas ceremonisë, do të hapet një ekspozitë fotografike dedikuar jetës dhe veprës së Presidentit Rugova, realizuar nga fotografi Hazir Reka./ Arbresh.info