Ministrja e Arsimit Arbërie Nagavci ka vënë gurthemelin për ndërtimin e shkollës në lagjen “Prishtina e Re”, në kryeqytet.

Nagavci, thënë se me përfundimin e kësaj shkolle brenda 36 muajve, fëmijët e lagjes “Prishtina e Re” do të kenë mundësi për të ndjekur mësimet në shkollë të re dhe moderne. Ajo e quajti të nevojshme shkollën në zonën që, sipas saj,  po rritet me shpejtësi.

“Ndër të tjera, Nagavci theksoi se inaugurimi i 20 çerdheve në këto katër vite dhe plani për përfundimin e 45 çerdheve të tjera, tregon përkushtimin për të krijuar ambiente të sigurta dhe të mira për fëmijët. Me një buxhet prej mbi 400 milion euro për vitin 2025, është e qartë se investimet në arsim janë një prioritet i lartë”, tha ndër të tjera Nagavci.

Kjo shkollë është investim i Ministrisë së Arsimit, me një shumë prej më shumë se 3. 3 milion euro e me sipërfaqe prej 6430.00m² dhe kapacitet për 800 fëmijë.

Sipas MASHTI-t, investimet totale  në komunën e Prishtinës gjatë këtij mandati katër vjeçar janë 8,124,686.76 euro.