16 gola dhe 11 asistime pak ditë para fundit të dhjetorit.

Këto janë statistikat e jashtëzakonshme të sulmuesit egjiptian të Liverpoolit, Mohamed Salah.

Egjiptiani me golin kundër Tottenhamit pak ditë më parë, u bë golashënuesi i katërt më i mirë në historinë e klubit nga ‘Anfield’.

Salah edhe fitoren kundër Leicester Cityt, ishte vendimtar duke ia siguruar Liverpoolit edhe tri pikë të mëdha në garën për titull të kampionit.

“Ishte një ndeshje e mirë dhe një rezultat i mirë. Ata ishin shumë të mirë”, tha Salah pas fitores ndaj Leicester Cityt.

“Ne jemi duke luajtur mirë dhe shpresoj se do të vazhdojmë kështu”.

Salah shprehet i kënaqur me golat e realizuar. Ai beson se do të vazhdojë me performancën e mirë edhe në ndeshjet e ardhshme.

“Jam shumë krenar për këtë. Ne vazhdojmë të punojmë shumë dhe shpresoj se mund të shkojmë edhe më lart. Gjeja më e rëndësishme është të fitojë skuadra. Shpresoj që ta fitojmë Premier Leaguen”, ka përfunduar Salah./rtk