Sigal Prishtina fitoi me nëntë pikë dallim ndaj Pejës, 77:68 (23:13, 24:20, 13:15, 17:20), për të siguruar gjysmëfinalen e Kupës së Kosovës.

Bardhekaltrit e nisën ndeshjen shumë më mirë, dhe çerekun e parë e fituan me dhjetë pikë dallim, 23:13.

Verdhezinjtë e nisën furishëm periudhën e dytë për të përmbysur shifrat në 25:26, por prishtinasit sërish u rikthyen dhe shkuan në pushim me rezultat 47:33.

Në pjesën e dytë, kryeqytetasit ruajtën epërsinë për të triumfuar në fund 77:68, që ishte e mjaftueshme për të kaluar në gjysmëfinale të Kupës, pasi sfidën e parë e kishin humbur me tri pikë dallim, 74:71.

Te vendasit u dalluan Damiree Burns me 26 pikë, 17 kërcime dhe gjashtë asistime dhe Qua Grant me 21 pikë e tetë kërcime, ndërsa te mysafirët më i miri ishte Jacquez Yow me 25 pikë e nëntë kërcime.