Sindikata e Bashkuar e Arsimit, Shkencës dhe Kulturës (SHBASHK) ka nisur protestën në shenjë pakënaqësie ndaj Qeverisë dhe Ministrisë së Arsimit.

Protesta ka nisur nga Biblioteka Kombëtare në Prishtinë, për të vazhduar pastaj tek Ministria e Arsimit e më pas marshi do të niset drejt ndërtesës së Qeverisë, raporton Arbresh.info.

“Duam nënshkrimin e kontratës kolektive”, “SBASHK-u është zëri ynë ndegjojeni”.

“Mos na mohoni kontributin e viteve ‘90”’, janë disa nga pankartat që protestuesit kanë mbajtur në duar. Ndërsa në protestë po marrin pjesë shumë profesionistë të Arsimit nga gjithë Kosova.

Kujtojmë se të martën kreu i SBASHK-ut, Rrahman Jasharaj në një konferencë për media i ka bërë të ditur disa nga kërkesat që do të parashtrohen në protestë.

Rritja e pagave, trajtimi i dinjitetshëm i pensionistëve, kundër mohimit të kontributeve në vitet 1990, përmirësimi i kushteve në institucionet arsimore, kërkesa për dialog, nënshkrimi i kontratës kolektive etj, janë disa nga kërkesat e kërkuara./Arbresh.info