Jasir Asani kaloi një ditë në kryeqytet javën e kaluar dhe dha një intervistë për ish-trajnerin e tij, Skënder Gega, në podkastin e këtij të fundit, “Soccer Talk Podcast”.

Gjatë bisedës, lojtari i kombëtares shqiptare foli për shumë tema, por kryesisht për Kampionatin Europian dhe për shortin e kuqezinjve për eliminatoret e Kampionatit Botëror.

“Kampionati Europian ishte një ëndërr, sepse luanim kundër tri prej kombëtareve më të mira. Kënaqësia më e madhe ishte kur pamë 55 mijë tifozë shqiptarë në stadiumin e Dortmundit. Me pak fat, mund edhe ta kishim kaluar grupin”.

“Cila skuadër më ka bërë më shumë përshtypje? Italia. Dimarco ishte mbrojtës shumë i vështirë. Nuk ke shans ta driblosh. Kisha thuajse pesë muaj pa luajtur dhe kisha pak vështirësi”.

“Nuk kam frikë asnjë lojtar në botë dhe nuk jam lojtar që ndikohem nga emocionet. Shorti i Botërorit? Do të doja skuadra të forta. Nuk kam frikë nga asnjë”.

Shorti për kualifikimet e Kampionatit Botëror do të mbahen me 13 dhjetor./Arbresh.info