Ministrja e Turizmit dhe Mjedisit e Shqipërisë, Mirela Kumbaro ka bërë të ditur se është gati për të nisur programi “ALBAdapt”, program ky që përgatit Shqipërinë në përballimin e sfidave klimatike.

Përmes një postimi në Facebook, Kumbaro tha se ky projekt kap vlerën e 35 milionë euro, transmeton Arbresh.info.

Postimi i plotë:

Jemi gati për të nisur programin “ALBAdapt” i cili shënon një kapitull të ri që përgatit Shqipërinë në përballimin e sfidave klimatike duke modernizuar rrjetin hidrometeorologjik , duke prodhuar informacion cilësor dhe një kuadër ligjor që e bën këtë sistem të qëndrueshëm.

Tashmë “ndryshimet klimatike” nuk janë më një nocion abstrakt, por një realitet i ri që gjithmonë duhet të na gjejë të mirëninformuar dhe të aftë për të marrë vendimet e duhura, ashtu sikurse dakordësuam së bashku me Zëvendëskryeministren Belinda Balluku, Ministrin e Mbrojtjes Pirro Vengu dhe partnerët në këtë projekt prej 35 milionë euro si qeveria gjermane , qeveria zvicerane , Fondi i Gjelbër i Klimës, GIZ Albania dhe agjencitë zbatuese./Arbresh.info