Kandidati i LDK-së për kryeministër Lumir Abdixhiku, thotë se Kosova e qeverisë aktuale është ajo me mësues që ndjehen të nëpërkëmbur, dhe me familje të ndara sepse duhet të bëjnë zgjidhje të dhimbshme për t’ua siguruar fëmijëve të ardhmen.

Në llogarinë e tij në Facebook, Abdixhiku publikuar një video ku shfaqet një mësuese në Fushë Kosovë e cila shpreh ankesën e saj se nuk mund të ja dal me pagën që merr, përcjell Arbresh.info.

“Kjo gjendje s’mund të vazhdojë më! Ndryshimi është i domosdoshëm! Është koha të ofrojmë një shtet e një qeveri që kujdeset për mësuesit e kujdeset për qytetarët e vendit. Koeficienti 150 – që në javën e parë – është zgjidhja! Vende pune e paga të dinjitetshme është përgjigja ime dhe ekipit tim të Lidhjes Demokratike!”, shkroi Abdixhiku./Arbresh.info