Ministri i Financave, Hekuran Murati ka krahasuar qeverisjet e kaluara me parazitët ushejzat.

Me anë të një postimi në Facebook, Murati shpjegon se çfarë janë ato dhe ka thënë se ngjashëm janë edhe 20 vitet qeverisje të kastës së vjetër.

“Dhe ngjashëm, tani kur këto ushujza po hiqen një nga një nga trupi i Kosovës, i dëgjon kastën e vjetër teksa ulërijnë e bërtasin, e akuzojnë se si vendit po i shkaktohet plagë e gjakderdhje. Por në fakt, plaga dhe gjakderdhja në rastin e ushujzës janë pasoja, dhe njëkohësisht treguesi se trupi më në fund do të shërohet. Prandaj edhe s’do të ndalemi”, ka shkruar Murati në Facebook.

Ai ka thënë se të gjitha ushujzat do të hiqen një nga një, dhe shton se mund të shkaktojë pak dhimbje në fillim, e mund të duket se po shkakton edhe gjakderdhje të përkohshme madje, mirëpo kjo është e vetmja mënyrë se si të kthjellet trupi./Arbresh.info/