Tri projektligje që kanë të bëjnë me përputhshmërinë e legjislacionit të BE-së janë votuar sot nga Komisioni për Integrime Evropiane.

Votat kanë qenë një zëri pro për projektligjin për regjistrin e pronarëve përfitues, me amendamentet e Komisionit funksional nga aspekti i përputhshmërisë me legjislacionin e BE-së; Projektligjit për ndryshimin dhe plotësimin e ligjeve të veçanta për krijimin e bazës ligjore për nxjerrjen e akteve nënligjore nga Qeveria dhe ministrat, me amendamentet e Komisionit funksional nga aspekti i përputhshmërisë me legjislacionin e BE-së.

Gjithashtu është votuar edhe Projektligji për harmonizimin e ligjeve të veçanta me Ligjin për kundërvajtje, me amendamentet e Komisionit funksional nga aspekti i përputhshmërisë me legjislacionin e BE-së.

Pas votimit, kryetarja e komisionit, Rrezarta Krasniqi, ka bërë thirrje për takim me delegacionin gjerman në mbledhjen e Komisionit për Punë të Jashtme dhe Diasporë./rtk