Kryetari i Aleancës për Ardhmërinë e Kosovës (AAK), Ramush Haradinaj, ka reaguar pas ndarjes nga jeta të Gjeneralit të UÇK-së dhe tani FSK-së, Imri Ilazi.

Në një postim në Facebook, Haradinaj e përshkroi Gjeneral Ilazin si një simbol të guximit dhe përkushtimit të pakompromis për lirinë e Kosovës.

Ai theksoi se Komandant ‘Ferri’ do të mbetet gjithmonë në kujtesën e popullit si një udhëheqës i patrembur, i ndershëm dhe njeri i fjalës.

Postimi i plotë:

Pikëllues lajmi për ndarjen nga jeta e Gjeneralit të luftës së UÇK-së dhe të FSK-së, Imri Ilazi – Komandant “Ferri”. Ai ishte shembull i gjallë i guximit dhe përkushtimit të pakompromis për lirinë e vendit. Erdhi nga mërgimi dhe iu bashkua Ushtrisë Çlirimtare të Kosovës duke shërbyer si Zëvendëskomandant në Zonën
Operative të Nerodimes. Komandant “Ferri” do të kujtohet gjithmonë si një udhëheqës i patrembur, i ndershëm dhe njeri i fjalës.
Ngushllime të sinqerta familjes, bashkluftëtarëve të afërmve dhe miqve të tij!/Arbresh.info