Parandalohet kontrabanda në Jarinje – kapen birra, pije energjike e të gazuara dhe lëngje të padeklaruara

14:24 | 25 Gusht 2024
E.G

Dogana e Kosovës ka njfotaur se mbrëmë në është parandaluar kontrabanda me mallra në Jarinje.

Sipas njoftimit, vozitësi i kamionit me targa të huaja i cili është paraqitur në hyrje të Kosovës ka deklaruar se kamioni është i zbrazët dhe nuk transporton mallra, shkruan Arbresh.info

“Për shkak të dyshimeve nga ana e zyrtarëve doganorë dhe policorë, kamioni është selektuar për një kontroll të detajuar në vijën e dytë.”, thuhet në njoftim.

Gjatë këtij kontrolli, në hapësirat e kamionit ku vendosen pajisjet është zbuluar mall i padeklaruar si më poshtë:

Birra rreth 750 litra
Pije energjike rreyh 200 litra
Pije të gazuara rreth 120 litra
Lengje te ndryshme 350 litra

“Kamioni dhe malli janë sjellë me përcjellje në terminalin doganor dhe janë nën mbikëqyrje doganore deri në përfundimin e procedurave.”, njofton Dogana e Kosovës./Arbresh.info/