Gati dy orë pritje te Dheu i Bardhë, kjo është gjendja e hyrje-daljeve në pikat kufitare

17:39 | 3 Gusht 2024
E.H

Pritjet e mërgimtarëve nëpër pikat kufitare që e lidhin Kosovën me vendet e rajonit, vazhdojnë të jenë të gjata.

Qendra Kombëtare për Menaxhim Kufitar njofton se në përditësimin e fundit të të dhënave pritjet më të gjata janë te Dheu i Bardhë, shkruan Arbresh.info.

Në këtë pikë kufitare, bashkatdhetarët për të hyrë në Kosovë po presin deri 1 orë e 20 minuta ndërsa për të dal nga vendi deri 1 orë e 40 minuta.

Pritje ka edhe në pikën tjetër kufitare në Muçibabë, ku për të hyrë në Kosovë mërgimtarët po presin deri në 30 minuta, ndërsa për të dal deri 1 orë.

Kurse, në Merdarë mërgimtarët po presin deri në 30 minuta për të hyrë në vend.

Pikat e tjera kufitare janë më të lira për qarkullim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm

sq sq