Në Kuvendin e Kosovës sot do të mbahen mbledhjet e tri komisioneve parlamentare.

Duke nisur nga ora 10:00, Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton lidhur me plotësimin apo ndryshimin e Rregullores për Përbërjen, Funksionimin, Përgjegjësitë e Komisionit Vlerësues dhe Përcaktimin e Procedurave për Njohjen e Statusit dhe të Drejtave të Personave Praplegjik dhe Tetraplegjik, ose nxjerrjen e Rregullores së re. Të ftuar: ministri i Financave, Hekuran Murati, ministri i Shëndetësisë, Arben Vitia dhe nga shoqata HANDIKOS. (Kuvendi i Kosovës, salla N10)

10:00
Inspektori i Përgjithshëm i Agjencisë së Kosovës për Inteligjencë, Kujtim Shala, raporton në Komisionin për Mbikëqyrjen e Agjencisë së Kosovës për Inteligjencë. (Kuvendi i Kosovës, salla N302)

10:00
Komisioni për Arsim, Shkencë, Teknologji, Inovacion, Kulturё, Rini dhe Sport, shqyrton raportin vjetor të punës së Këshillit Shtetëror të Cilësisë të Agjencisë së Kosovës për Akreditim për vitin 2023 si dhe diskuton për mënyrën dhe datën e intervistimit të kandidatëve të KKTK-së. (Kuvendi i Kosovës, salla N204)./Arbresh.info/