Policia e Kosovës ka parandaluar një rast të kontrabandës me mallra në Gjilan në kufirin me Serbinë.

Siç njofton policia, gjatë kontrollit të një veture me targa suedeze janë gjetur të ngarkuara mallra të ndryshme me pajisje elektronike të përdorura.

“Gjatë kontrollit në automjetin e ndaluar janë gjetur të ngarkuara mallra të ndryshme me pajisje elektronike të përdorura: llaptop, zmadhues të zërimit, shtëpiza kompjuterike, monitorë, radio elektronike, pastaj mall komercial amvisërie (aparat për kafe), motor i motoskafit, një sasi e trotinetëve elektrikë, kositëse e barit me benzinë dhe pajisje e vegla tjera pune”, njofton policia.

Rasti është duke u trajtuar nga njësitë përkatëse policore nga Drejtoria Rajonale Kufitare Lindje, kurse për personin e dyshuar është caktuar masa e ndalimit policor për 48 orë./Arbresh.info/