Gjykata Kushtetuese ka hedhur poshtë kërkesën e Partisë Demokratike të Kosovës (PDK)  lidhur me projektligjin për Investime të Qëndrueshme.

Sipas njoftimit, nenet 21, 35, 52 dhe 53 për Investime të Qëndrueshme nuk janë në kundërshtim me paragrafin 1 të nenit 7, dhe paragrafët 1 dhe 2 të nenit 119, si dhe nenit 122 e 43.

Pas kësaj, Ligji për Investime të Qëndrueshme i dërgohet Presidentes për shpallje.

“Gjykata, ka vendosur që (i) njëzëri, të deklarojë kërkesën e pranueshme; dhe (ii) të konstatojë, njëzëri, që nenet 21 (Këshilli), 35 (Përzgjedhja e veçantë e investitorit), 52 (Dispozitat kalimtare) dhe 53 (Shfuqizimi) të Ligjit nr.08/L-209 për Investime të Qëndrueshme, nuk janë në kundërshtim me paragrafin 1 të nenit 7 [Vlerat], paragrafët 1 dhe 2 të nenit 119 [Parimet e Përgjithshme] dhe paragrafin 2 të nenit 122 [Përdorimi i Pasurisë dhe Burimeve Natyrore] të Kushtetutës; dhe (iii) njëzëri, të shpallë që, në bazë të nenit 43 (Afati) të Ligjit nr. 03/L-121 për Gjykatën Kushtetuese të Republikës së Kosovës, Ligji nr.08/L-209 për Investime të Qëndrueshme, i dërgohet Presidentes së Republikës së Kosovës për shpallje”, thuhet mes tjerash në njoftim.

Vendimin e plotë mund ta lexoni KËTU: