Një person është arrestuar në Pejë për armëmbajtje pa leje, raporton Policia e Kosovës.

Gjatë kontrollit në veturën e tij janë gjetur dhe konfiskuar një pistoletë Zoraki me një karikator, një shufër metalike dhe një elektroshok, shkruan Arbresh.info.

Sipas policisë, në shtëpinë e të dyshuarit janë gjetur dhe konfiskuar edhe 120 copë fishekë.

“Pejë / 17.06.2024 – 02:10. Është arrestuar i dyshuari mashkull kosovar pasi që gjatë kontrollit në veturën e tij janë gjetur dhe konfiskuar një pistoletë Zoraki me një karikator, një shufër metalike dhe një elektroshok. Gjatë kontrollit në shtëpinë e të dyshuarit janë gjetur dhe konfiskuar edhe 120 copë fishekë. Pas intervistimit me vendim të prokurorit i dyshuari është dërguar në mbajtje”, thuhet në raportin 24 orësh të Policisë së Kosovës./Arbresh.info