Ministrja e Drejtësisë, Albulena Haxhiu ka vizituar nënën e Erona Coklit, 21 vjeçares e cila dyshohet që u privua nga jeta nga ish-partneri i saj në muajin Prill në Qendrën për Punë Sociale në Ferizaj.

Me anë të një postimi në Facebook, Haxhiu tha se ka dëgjuar përjetimet e dhimbshme ndërvite të të ndjerës Eronës, shkruan Arbresh.info.

“Secila pjesë e shtëpisë ia kujton ndonjë moment me Eronën dhe Arin djalin e saj të vogël për të cilin mezi pret që t’i besohet kujdestaria.”, ka shkruar ajo.

“Erona Cokli u vra nga ish partneri i saj. Dhimbja për prindërit dhe vëllezërit e Eronës vazhdon të jetë e madhe.”, shtoi Haxhiu.

Ministrja Haxhiu tregoi edhe mesazhin e zonjës Melihate për të gjitha vajzat.

“Mesazhi i zonjës Melihate ishte edhe thirrje për mbështetje të vajzave dhe trajtim me profesionalizëm e serioz dhe pa asnjë neglizhencë i rasteve të dhunës.”, shkroi ajo.

“Me Melin ky nuk ishte takimi i parë dhe u dakorduam që të mos jetë as i fundit.”, përfundoi e para e Drejtësisë./Arbresh.info/