Prishtina fiton dramën ndaj Pejës në Ligën Ballkanike, siguron vendin e parë në grup

23:17 | 5 Prill 2024
R J

Sigal Prishtina ka fituar derbin ndaj rivalit të vjetër Pejës në kuadër të Ligës Ballkanike me rezultat 104:97.

Dy çerekët e parë të këtij takimi i fituan kryeqytetasit me rezultat 25-21 dhe 27-20 respektivisht. Peja filloi këndelljen në pjesën e dytë duke fituar çerekun e tretë dhe të katërt me rezultat 21-27 dhe 15-20.

Kjo formë e mirë e pejanëve në pjesën e dytë bëri që të nevojiteshin edhe pesë minuta shtesë për të përcaktuar fituesin pasi në kohë të rregullt ndeshja përfundoi me rezultat 88:88.

Në vazhdime më e mirë u tregua Prishtina që e mbylli me rezultat 16-9 në favorin e saj, për të marrë në fund fitoren e cila u siguroi atyre pozitën e parë në grup.

Basketbollisti më i dalluar në këtë ndeshjes ishte lojtari i Pejës Justin-Edler Davis me 29 pikë ndërsa tek Prishtina u dallua Donte Clark me 23 sosh.

Ne gjysmëfinale të Ligës Ballkanike, Prishtina do të përballet me ekipin malazez KK Lovcen, ndërsa Peja do të ketë punë me ekipin qipriot AEL Limassol./Telegrafi/