Ad Banner
Ad Banner
Ad Banner
Ad Banner

Aksidenti me 8 të vdekur në Këlcyrë, shoqërohet në polici 26-vjeçari që i dha makinën me qira të riut nga Shkodra

15:00 | 2 Prill 2024
E.G

Policia ka dhënë detaje mbi aksidentin e rëndë ku humbën jetën 7 klandestinë dhe drejtuesit i automjetit nga Shkodra.

Sipas njoftimit të policisë bëhet e ditur se aksidenti i ndodhur në aksin rrugor “Këlcyrë-Përmet”, në afërsi të fshatit Kuqar, “si pasojë e të cilit humbën jetën 8 shtetas (drejtuesi i automjetit dhe 7 shtetas që dyshohet se janë nga Vendet e Treta), nga verifikimet e kryera dyshohet se drejtuesi i këtij automjeti është shtetasi E. B., 24 vjeç, banues në Shkodër”

Gjithashtu, nga verifikimet e kryera policia bën të ditur se automjeti tip “Benz” që drejtonte 24-vjeçari nga Shkodra është marrë me qira në qytetin e Shkodrës, nga shtetasi A. Gj., 26 vjeç.

Për këtë arsye, policia e Shkodrës ka shoqëruar në Komisariat, shtetasin A. Gj., për ta marrë në pyetje për rastin.

Ndërkaq, grupi hetimor, në drejtimin e Prokurorisë, vijon punën për dokumentimin e plotë të ngjarjes./rtsh.al/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm