Ministri i Brendshëm i Shqipërisë, Taulant Balla ka dhënë detaje në lidhje me shpërthimin e fuqishëm që ka ndodhur pasditen e sotme në Lushnje, ku për fat të keq ka humbur jetën Landi Verçani
–
Balla në një deklaratë për mediat tha se një nga të plagosurit rëndë është dhe djali i viktimës i cili është nisur drejt Traumës.

Gjithashtu ai tha se dhe deputeti i PS-së, Bujar Çela dhe një tjetër i plagosur janë nisur drejt Traumës.

“Ka humbur jetën një person. Është plagosur rëndë një person, i biri i viktimës. Është nisur drejt Traumës. Janë 7 të plagosur mes tyre dhe Bujar Çela që ka marrë një plagë për shkak të shpërthimit. Plaga është arritur të izolohet. Është nisur drejt Traumës. 3 janë nisur drejt Traumës. Ndihma e parë e dhënë këtu ka qenë kyçe”-tha Balla./euronews.al