Sulmuesi kosovar, Arbër Hoxha, është afër kalimit te gjiganti kroat Dinamo Zagreb.

Lajmin për kalimin e Hoxhës, tek Dinamo e ka bërë të ditur mediumi kroat germaijak.hr, shkruan Arbresh.info.

Sipas këtij mediumi Dinamo dhe Slaven Belupo skuadra aktuale e Hoxhës, kanë arritur marrëveshje për të transferuar lojtarin në fjalë në kryeqytetin kroat.

Bëhet e ditur se zyrtarizimi i kosovarit do të bëhet gjatë ditës së nesërme.

Slovan Belupo ka kërkuar rreth dy milionë euro për të liruar sulmuesin 25-vjeçar.

Këtë sezon Hoxha po kalon një formë të mirë, ku është paraqitur në 18 ndeshje me ekipën e tij dhe ka shënuar katër gola dhe dhuruar tri asistime.

Kujtojmë se Arbër Hoxha ka tri paraqitje me Kombëtaren e Kosovës dhe ka realizuar një gol.

Ndërkohë me fanellën e dardanëve ka debutuar në janar të vitit 2020./Arbresh.info/