Izraeli i ka paraqitur një propozim Hamasit që përfshin një pauzë njëjavore në këmbim të lirimit të 40 pengjeve, raporton CNN, duke cituar dy zyrtarë izraelitë dhe një burim tjetër me njohuri për këtë çështje. Propozimi synon lirimin e pengjeve që përfshijnë gra, të moshuar dhe ata që kanë nevojë për kujdes urgjent.

Marrëveshja po i paraqitet Hamasit përmes ndërmjetësve të Katarit. Michael Herzog, ambasadori izraelit në Shtetet e Bashkuara të Amerikës, konfirmoi se Izraeli është i gatshëm të ndalojë luftimet nëse bëhet fjalë për lirimin e pengjeve, por nuk konfirmoi nëse është arritur ndonjë marrëveshje.

Hamasi ka bërë të qartë se nuk do të lirohen më pengje derisa të ketë një armëpushim.Por ndërsa përpjekjet diplomatike vazhdojnë, kriza humanitare në enklavën e rrethuar përkeqësohet çdo ditë. Gati 20,000 njerëz janë vrarë nga aksionet ushtarake izraelite në Gaza që nga 7 tetori, dhe më shumë se 52,000 janë plagosur.

Ndërkohë, pjesa më e madhe e Gazës veriore është shkatërruar nga sulmet ajrore dhe, sipas Kombeve të Bashkuara, pothuajse 1.9 milionë njerëz – më shumë se 80% e popullsisë së enklavës – janë zhvendosur./abcnews.al