Manchesteri City nesër do të nis turneun e Kupës së Botës së Klube.

Kompeticion ky që City merr pjesë për herë të parë në histori të klubit, pasi në qershor fitoi trofeun e Champions League, shkruan Arbresh.info.

Kujtojmë që skuadra nga Evropa e cila e fiton Champions League merr pjesë në këtë kompeticion.

Pas dështimit që të arrij fitore ndaj Crystal Palace në vikend trajneri i Cityt, Pep Guardiola theksoi se “Citiziens”, synon të triumfoj në këtë trofe.

“Që të marrësh pjesë në këtë kompeticion duhet të kesh fituar Champions Leaguen, ndaj ne e vlerësojmë maksimalisht. Shkojmë me shumë dëshirë në Arabinë Saudite dhe me objektivin për ta fituar trofeun, jemi shumë të motivuar”, ka thënë Guardiola.

Ai komentoi edhe ndeshjet e fundit të Cityt dhe formën jo të mirë të skuadrës.

“Këtë do të doja ta dija edhe unë. Ndeshjen e fundit “falëm” një penallti, duhej ta kishim menaxhuar më mirë takimin në minutat e fundit”, u shpreh Guardiola.

Kampionët e Evropës nisin Botërorin e Klubeve nga faza gjysmëfinale, aty ku nesër do të ndeshen ndaj ekipit Uraëa të Japonisë me fillim nga ora 19:00.

Teksa nëse arrijnë në finale City do të takohet me fituesin e ndeshjes tjetër gjysmëfinale ku takohen Fluminense dhe Al Ahly./Arbresh.info/