Asociacioni i Gazetarëve të Kosovës (AGK) ka reaguar pas protestës së PSD-së kundër vizitës së kryetares së Gjykatës Speciale, Ekaterina Trendafilova në Kosovë, ku është hedhur sprej dhe gaz lotsjellës në drejtim të gazetarëve.

Gjatë kësaj proteste, kanë pësuar lëndime disa gazetarë, e në mesin e tyre edhe gazetari i portalit Arbresh.info, Pleurat Salihu i cili është alivanosur.

Lexo edhe:

AGK në reagim thotë se sjellja e Policisë së Kosovës është e papranueshme dhe e dënueshme teksa ka bërë thirrje që të respektojnë punën e gazetarëve.

“Për Asociacionin e Gazetarëve të Kosovës, kjo sjellje e Policisë së Kosovës është absolutisht e papranueshme dhe e dënueshme, andaj i bën thirrje që të respektojë punën e gazetarëve, si dhe të mos i pengojë ata gjatë kryerjes së detyrave të tyre profesionale. Njëherësh, u bëjmë thirrje kolegëve që raportojnë nga terreni të bartin me vete ID-të e tyre të punës, si dhe jelekët me mbishkrimin PRESS, ashtu që të identifikohen që janë punonjës të medieve, dhe jo protestues”, thuhet në reagim./Arbresh.info