Gjykata Themelore në Prishtinë ka aprovuar kërkesën e Prokurorisë Speciale të Republikës së Kosovës, për vazhdimin e masës së paraburgimit edhe për dy muaj ndaj Millun Milenkoviq-Llune, i dyshuar për sulm ndaj KFOR-it.

Lajmin për Arbresh.info e ka konfirmuar zëdhënësja e kësaj gjykate, Mirlinda Gashi.

Gashi bën të ditur se të dyshuarit “Llune” masa e paraburgimit i është vazhduar deri më 12 janar 2023.

“Ju njoftojmë se Gjykata Themelore në Prishtinë-Departamenti Special, duke vendosur sipas kërkesës së Prokurorisë Speciale të Republikës së Kosovës me numër PPS.nr.103/22, për vazhdimin e masës së paraburgimit kundër të pandehurit M.M edhe për dy muaj, gjykata ka marr aktvendimin me numër PPPS.nr.63/22 të datës 10.11.2023, me të cilën është aprovuar kërkesa e Prokurorisë Speciale të Republikës së Kosovës për vazhdimin e masës së paraburgimit kundër të pandehurit M.M deri me datën 12.01.2024”, konfirmoi ajo.

Kujtojmë se “Llune” u arrestua në qershor si i dyshuar për organizim të sulmeve ndaj pjesëtarëve të KFOR-it në veri./Arbresh.info/