Traditën për gdhendjen e lahutave e trashëgoi nga babi dhe gjyshi.

Të punuara me dorë deri në detajin më të vogël, 71 vjeçari, Prend Palushaj nga komuna e Klinës tregon për Arbresh.info pasionin e veçantë për këtë vegël muzikore.

Ai na tregon edhe materialet që përdoren për punimin e një lahute.

Vepra bazike që simbolizon lahutën shqiptare, sipas Palushajt, janë eposet kreshnike legjendare.

Sipas, Palushajt, për gdhendjen e kësaj vegle autoktone ka filluar interesimi tejet i madh edhe nga brezat e rinj.

71 vjeçari na tregon se nipat janë të interesuar ta vazhdojnë traditën e tij për gdhendjen e lahutës.

E mbështetur identiteti i etnokulturës shqiptare, ai tregon se çfarë simbolizon lahuta për popullin shqiptarë.

Për të mbaruar një lahutë, Palushaj në tregon se i duhen gjithsej 15 ditë.

Ai thotë se çmimi i një lahute kushton nga 300 deri në 350 euro.

Adhuruesit më të mëdhenj për të pasur një lahutë në shtëpitë e tyre janë diaspora jonë shqiptare, por jo për ta pasur si dekor, por si simbol i kulturës shqiptare.

Palushaj, nuk hezitoi të luaj me lahutë për shikuesit dhe lexuesit e portalit Arbresh.info. /Edona Krasniqi/