Rama në SHBA, takohet me ministrin e Jashtëm të Emirateve të Bashkuar

12:27 | 19 Shtator 2023
E.G

Kryeministri i Shqipërisë, Edi Rama është takuar me Ministrin e Jashtëm të Emirateve të Bashkuara, Sheikh Abdullah Bin Zayed Bin Sultan Al Nahyan në Nju Jork.

Në këtë takim është folur për finalizimin e paketës së investimeve në Shqipëri, si dhe për vizitën në Tiranë të Presidentit të EBA, Sheikh Mohamed Bin Zayed Al Nayan, e para e këtij niveli në vendin tonë, shkruan Arbresh.info.

“New York – Me Ministrin e Jashtëm të Emirateve të Bashkuara Arabe, mikun e çmuar Sheikh Abdullah Bin Zayed Bin Sultan Al Nahyan, folëm për finalizimin e paketës së investimeve në Shqipëri, si edhe për vizitën në Tiranë të Presidentit të EBA, Sheikh Mohamed Bin Zayed Al Nayan, e para e këtij niveli në vendin tonë”, ka shkruar Rama./Arbresh.info