Stuhia “Daniel” u ka marrë jetën rreth 5 mijë personave në Libi, ndërsa 10 mijë të tjerë rezultojnë të zhdukur.

Për tragjedinë, ka reaguar Presidenti i Republikës  së Shqipërisë, Bajram Begaj.

Përmes një postimi në rrjetin social “X”,  Begaj u shpreh ngushëllimet më të përzemërta familjeve që kanë humbur të dashurit e tyre.

“Mendimet dhe lutjet tona janë me popullin e Libisë gjatë kësaj kohe të vështirë. I shpreh ngushëllimet e mia të përzemërta familjeve që kanë humbur të dashurit për shkak të ndikimit shkatërrues të stuhisë Daniel në Libinë lindore”, shkruan Begaj.

Edhe pse bilanci i viktimave është në shifra të frikshme, ka gjasa sipas autoriteteve të Libisë që të rritet, kjo për shkak të numrit të lartë të të zhdukurve. Në Libi janë shpallur 3 ditë zie kombëtare për jetët e humbura./Arbresh.info/

Our thoughts and prayers are with the people of Libya during this difficult time.

I extend my heartfelt condolences to the families who have lost loved ones due to the devastating impact of Storm Daniel in eastern Libya.

— Bajram Begaj (@BajramBegajAL) September 13, 2023