Pas, barazimit pa gola në udhëtim Drita pret Viktoria Plezen në “Fadil Vokrri”.

Përballja e parë përfundoi pa gola, në ndeshjen që i takon raundit të dytë kualifikues në Conference League, shkruan Arbresh.info.

Skuadra nga Gjilani ka njoftuar se shitja e biletave për këtë ndeshje do të fillojë nesër.

Bileta më e lirë do të kushtojë 3 euro, kurse më shtrenjta (VIP) 25 euro.

Në lindje duhet të paguhen pesë euro, kurse për perëndim shtatë.

“Klubi jonë FC DRITA ju njofton se biletat për ndeshjen e kthimit FC DRITA – FC Viktoria Plzen do të dalin në shitje nesër(e hene) në mënyrë fizike nga ora 11:00 para teatrit të qytetit. Gjithashtu ditën e ndeshjes biletat do të dalin në shitje tek stadiumi “FADIL VOKRRI” në dy pika të shitjes”, thuhet në njoftim.

Ndeshja e kthimit do të zhvillohet më 3 gusht, me fillim prej orës 20:00./Arbresh.info/