Transportonte drunj ilegalisht nga malet e parkut kombëtar “Sharri”, policia ndalon një person në Shtërpcë

12:11 | 19 Prill 2023
K.B

Një person është ndaluar të martën mbrëma nga Policia e Stacionit në Shtërpcë, pasi ishte duke transportuar drunj ilegalisht nga parku kombëtar “Malet e Sharrit” në Brezovicë.

Policia njofton se gjithashtu ka konfiskuar dy automjetet për dokumentacion të parregullt për procedura të mëtejme, ndërsa ka lajmëruar edhe zyrtarët nga Drejtoria për Administrimin e parkut kombëtar (DAPK) “Sharri”, të cilët kanë dalë në vendin e ngjarjes.

Këta të fundit kanë shqiptuar fletëparaqitjet ndaj dy të personave për transport ilegal dhe drunjtë më pas i kanë konfiskuar.

“Policia Rajonale e Ferizajt po bën përpjekje të vazhdueshme në bashkëpunim edhe me rojet e pyjeve në parandalim të prerjes, transportit dhe shitjes ilegale të drunjve”, thuhet në komunikatën për media./Arbresh.info/