Shefi stafit në kabinetin e Presidentes së Kosovës Vjosa Osmani, Blerim Vela ka thënë se Serbia duhet të penalizohet.

Kjo për faktin se, siç thotë ai përmes rrjetit social Twitter, presidenti i saj, Aleksandar Vuçiq ka thënë se nuk do të pranojë anëtarësimin e Kosovës në OKB dhe në organizatat e institucionet e tij.

“Edhe pse Vuçiqi u zotua të zbatojë obligimet nga marrëveshja me Kosovën, përfshirë anëtarësimin në ndonjë organ ndërkombëtar (neni 4), ai vepron me keqbesim dhe thotë se Serbia nuk do të pranojë anëtarësimin e Kosovës në OKB, institucionet, agjencitë dhe organizatat e saj! Një shkelje që do të duhej të penalizohej”, shkroi Vela.

Kujtojmë se më 18 mars në Ohër, Kosova dhe Serbia u pajtuan për ta zbatuar aneksin për zbatimin e propozimit evropian./arbresh.info/

Even though Vučić committed to implement obligations from the agreement w #Kosovo, incl. membership to any int’l orgs (art. 4), he acts in bad faith & says #Serbia won’t agree to 🇽🇰 membership to 🇺🇳, its institutions, agencies & organizations! A violation that shld be penalized! pic.twitter.com/jOfzCHCF7E

— Blerim Vela (@Blerim_Vela) March 21, 2023