Shqipëria ka vendosur zyrtarisht hapjen e ambasadës në kryeqytetin e Ukrainës, Kiev.

Ashtu dhe siç ishte paralajmëruar, Qeveria ka miratuar ditën e sotme propozimin e Ministrisë së Punëve të Jashtme për hapjen e misionit diplomatik në Ukrainë.

Sipas VKM-së, shpenzimet monetare për hapjen e misionit diplomatik përballohen nga Ministria për Evropën dhe Punëve të Jashtme për vitin 2023.

VKM-ja:

Në mbështetje të nenit 100 të Kushtetutës dhe të pikës 1, të nenit 21, të ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

Hapjen e Misionit Diplomatik “Ambasadë” të Republikës së Shqipërisë në kryeqytetin e Ukrainës, Kiev.
Për hapjen e këtij misioni diplomatik, shpenzimet do të përballohen nga buxheti i Ministrisë për Evropën dhe Punët e Jashtme për vitin 2023.
Ngarkohet Ministria për Evropën dhe Punët e Jashtme për zbatimin e këtij vendimi. Ky vendim hyn në fuqi menjëherë dhe botohet në “Fletoren zyrtare”./abcnews.al/